About

Mera naame deepak hai. Mujhe khana banana aur gher ke kaam karna bhi accha lagta hai. jab main school main pada karta thaa to jab meri mata ji khana banaya karti thi to unko bade dhyaan se dekha karta thaa. Esi tarah ek din mujhe bhook lagi to main apne aap halwa bana ker khaya tab mujhe nahi pata thaa ki halwe main khushboo bhi hoti hai. Mere pados main rehane wali aunty ne pooch liya ki kya kr raha hai to main unko 1 bowl halwa de diya aur unse kaha ki mummy ko mat batana. lekin ye mera bholapan thaa. unhone bata diya . lekin jab mummy ne dekha ki sab kuch saaf hai to unhone mujhe shabshi di ki tune himmat ki aur bana kr kha liya. unhone kaha ki her insaan ko itna kaam to aana hi chahiye ki jab bhi bhukh laga aap apne layak bana sako. tab se mujhe khana banane kaa shonk hua aur main bahut see dishes sikhi aur jab bhi samay milta hai bana ker khilata bhi hoon.

healthwithkitchen.com naam rakhne ka main karan bhi yahi thaa ki sehat kaa rasta kitchen se ho ker gujarta hai. so maine ye naam rakh diya. yadi mere se koi galti ho jaye to apna dost samjh ker maaf ker dijiygaa. aur yadi aapke pass bhi koi acchi recipe hai to aap mere sath share ker sakte hain.

Thanks

Deepak goyal